--------------------------------------------------------------------------------
مساء الخير
اه والله معصبة و نفسي امسك حدا اجيب اجلو و افتفت عضامو تفتفت
يا جماعة الخير بدي افضفضلكم و اشوف شو رايكم
هادا بالصلاة على النبي رجعت من الاردن من 3 ايام
و على كتر ما انبسطت هناك على كتر ما شفت بلاوي نكدتني
طول حياتنا بنعرف انو الشاب بيتطوروا بمناظرهم
لحد ما وصلنا لاقصى تطور ألا و هو تسحيل البنطلون و وضع الجل
بس يا عمي هالمرة شفت شغلات جدييييدة
شغلات غرييييبة
شغلات بتحير
يا جماعة الخير حسيت حالي انا الرجال بين الشباب ولاد عمامي
لقيت تطورات ما كان على البال و لا على الخاطر
لقيت البنطلون ساحل اكتر من ذي قبل
لقيت الحواجب بنعملو حسرة واحنا اللي مش مسترجيين نعمل
لقيت المكياج و كريم الاساس و الروج
لقيت الاساااور
لقيتهم بلبسوا زهر و احمر اكتر مني
طيب تخيلوا هديك المرة ابن عمي اجا قبل الشحادة و بنتها الصبح يطلب جل شعر من اخوي و اخوي ما كان عندو
حكتلو تعال يخوي انا عندي واكس للشعر و الله و اخدو و كيف عليه عشان الطلعة..
ازا احنا ما بنستعملو لهالدرجة.. الطم انا
و واحد تاني طبعا ما بيعمل الا تسريحة عريس و لما ما يعمل تسريحة بيلبس طاقية مع انو والله شعرو ناعم ناعم سايح
لا و الاسخم لما ييجوا مروحين من الجامعة على البيت بيرفعوا البنطلون و بينزلو الشعرات و بيعملوا حالهم بني ادمين عشان آباءهم
يا جماعة اجيت بدي ادفن حالي او اعلن تحولي للحالة الذكورية
و الله منا عارفة ايش هالحالة
في عنا هيك
بس لما نزلت على الاردن لقيت الوضع اسخم
و الله العظيم ازا بدي امشي بالشارع ما برفع عيني من الارض و مش خلصانييين
هادا و مشيتي مشية بني آدم عسكري
ولاد عمي الواحد ما طبق العشرين و كل نص ساعة سيجارة
انا بجد مصدومة
يعني اوك الشكل مش كل شي و المهم الجوهر .. بس هدول لا شكل و لا جوهر
بنااات قولولي بتلاقو الشاب اللي بيعمل حواجبو و بيتزبط لهالدرجة حلووو؟
و الله يا ويلها اللي بتدافع
شباااب قولولي شو الحلاوة في الموضوع بالله؟
مش عارفة شو حكيت و خبصت بس هيك حبيت احكي افضفض لإني رح انفجر
حاسة حالي رجال اكتر منهمممم
آخ
ملاحظة : اكتر شي قاهرني موضوع الحواجب
آخ آخ
و الآخ مسك الخاتم