طب إيش أعمل بحالي يعني ... أروح أبيع فجل ؟؟؟

من زمان لما كنا زغار
بإيش كنا نتسلى
بألعاب زمان
نلعب مسلا
طيرة شريدة على قولة سوسي
طش ما بعرف إزا إلها إسم تاني أظن بسموها إستغماية
شبر شبرين
تلج ومي
عسكر وحرمية
شبرة قمرة شمس نجوم كواكب
وهديك اللي بكون مرسوم عالأرض مربعات وأرقام وبرمو حجر وبنطو برجل وحدة ما بعرف إيش إسمها
لعبة الكفوف سبت أحد تنين تلات أربع خميس جومعااااااة
سيسي سي ميمي مي جي جي جي يمين شمال فوق تحت ناسية الباقي
طااااق طااااق طاقية رن رن يا جرس
سلوى يا سلوى مالك بتبكي عاوزة عروستي مين هيا هيا دي لأ مش دي هيا دي لأ مش دي لازم يكون الدور عااااااالى دي


وفي ألعاب تانية كنا بنلعبها بالورق
إنسان حيوان نبات جماد .... كنت بحبها وما زلت
وفي لعبة مصيدة الدبان الورقة المطوية إبصر كيف
ومكتوب عكل جهة إشي وبنختار وبنفتح من جهة وبنسكر من جهة برضو ناسياها

ولما نزهق نلعب الزهر يا الله أديش بحبها هاللعبة
والسلم والثعبان
والشدة

ولما نزهق أكتر نشوف فلم كرتون توم وجيري والأرنب والبنك بانثر ووووو
لما كان بيجي عقناة السعودية الأولى الأرضية ساعة بالصبح وساعة بالعصر ولا هو نص ساعة

وكنا نعمل زي الخيمة بالشراشف كإنو بيت الجيران ونروح نزور بعض

أو كنا نلعب بالعروسة والسيارة والدبوب والبسكليت وهااااكزا

وبعد كم سنة حنو علينا وإخترعولنا أتاري كمبيوتر العائلة

فحياتنا كانت بسيييطة
وحلوة

أما هلأ
الزغار بإيش بلعبوا وبتسلوا
قليل منهم لهلأ بلعبوا بنفس ألعابنا
بس تلت رباعهم بإيش بلعبوا
جيم بوي
بلاي ستيشن
فتحولهم مش أقل من خمس قنوات فضائية مختصة لأفلام الكرتون شغالة 24 ساعة

زمان كان ممنوع الصغار يمسكوا الكمبيوتر لحسن يخربوه
بعدين سمحنالهم يمسكوه ويلعبوا بألعاب على قدهم
أو يخربشوا ببرنامج الرسام
ممنوع يمسكوا الجوال بنعطيهم جوال لعبة

يعني شغل الزغار بالكمبيوتر غير شغل الكبار

أما هلأ

صار الطفل المفعوص اللي ما طلع من البيضة
أنا بحكي عن اللي عمرهم من 8 سنين ل 14 سنة
عندو جوال
عندو لاب توب
عندو إيميل
عندو حساب بالفيس بوك
مشترك بالمنتديات
وبعضهم بفتح منتدى خاص إلو

باقي نعطيه سيارة ونفتحلو حساب بالبنك

طب إزا الزغار صاروا هيك
أنا إيش أعمل بحالي
أروح أبيع فجل


يعني سؤالي هوا
وين راحت الطفولة والبراءة ؟؟
السؤال التاني
إزا الصغار صاروا يعملوا كل إشي بعملوه الكبار
مرحبا كيفكم

إيش ضللنا إحنا ؟



بعرف إنو عقل الأطفال هلأ بختلف عن عقلنا لما كنا زغار
وإنهم صاروا بعرفوا كل إشي
بس برضو لازم يكون في إشي للزغار
غير أشياء الكبار
بنفعش يتعدوا على كل إشي بخصنا
ولا إيش رأيكم


رجائن سمعوني آرائكم القيمة في هازا الموضوع

هههههههه الله يساهل على ايام زمان

ههههههههههههههههههههه والله معك حق بس الله بحسدهم كل الالعاب متوفره الهم وليه تبيع فجل بع العاب


والطفوله الحين مافيه بحكم عملي الطفل الي عمره عشر سنين بيحسسني انه عمره عشرين ههههههههههههه