مرة واحد ماشي في الشارع فقابل واحد ثاني شكله مش على بعضه ومستعجل كثير ويقول : لو سمحت من فضلك شلحني الجاكيت ..
فالاولاني قال له : نعم؟!!!
فالثاني قال : شلحني الجاكيت بسرعة
حاضر.. حاضر وراح مشلحه الجاكيت
لو سمحت هسا شلحني الكرافي
إيه؟!!
اه الكرافي ..الكرافي بسرعة
حاضر.. حاضر وراح مشلحه الكرافي وهو مستغرب كثير من الرجل الغريب هذا : ها يا سيدي اي خدمة ثانية!!
اه .. سامحني فكلي زرار القميص
لااااا هيك زّودتها كثير .. هيك بتوخد برد وبقلب عليك بنزلة حادة تاخد أجلك
من فضلك فكها .. بسرعة .. ارجوك
افففففف.. وهذه زرار قميص خلص فكيتها.. شو اية اوامر ثانية؟
أيوا شلحني القميص
يا سيدي عيب .. ما يصحش هيك .. احنا في الشارع خلي عندك دم
ارجوك .. ارجوك بسرعة فش وقت ..
شو هالوقت المهبب هذا .. انا شو الي جابني على هالشارع .. وهذا القميص يا عمي .. اي اشي ثاني ؟
ارسملي على ظهري خطوط بالطول وخطوط بالعرض
لا هيك الاشي زاد عن حده .. انت مجنون يا زلمة ؟؟؟؟ مجنون ؟؟
من فضلك .. أرجوك
رسمتلك بالطول وبالعرض
رقملي هسا المربعات الي رسمتها على ظهري بالأرقام من 1 إلى 40
يا صبر أيوووب .. هسا انت معطلني كل هالوقت علشان تلعبني سيجا ؟!!!!
بسرعة لو سمحت .. أرجوك رقمهم .. من فضلك مش قادر .. بسرعة يلا ..
طيب رقمتلك اياهن ..
طيب هسا لو سمحت حكلي داخل المربع رقم 33 لانه الظاهر في اشي قرصني..
::::::::::::::::::::::::::::::
واحد من الشام راح لبنان ودخل على محل مستحضرات تجميل وسأل البائع: بدي ( لبنان بو) البائع: شو ؟؟؟؟! الشامي : بدي لبنان بو , البائع : شو هاذا اللبنان بو , الشامي : مبتعرف شو اللبنان بو !!! البائع: لا خيي ما بعرف . الشامي : غريبة عندنا بالشام في شام بو .
:::::::::::::::::::::::::::::
سألوا سائق : مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي .
:::::::::::::::::::::::::::
واحد حكولو احكي اللي بدك اياه عن ديمقراطية البلد، بلش يحكي: وين حرية الراي؟ وين المساواة؟ وين مصاري الشعب؟ وين ماخذيني؟ وين الضو؟ وين انا ؟
:::::::::::::::::::::::::::
في واحد تاجر مخدرات راح يخطب عروس سألوه شو بتشتغل ؟ قالهم "فني تكييف" .
:::::::::::::::::::::::::::
واحد اتصل بمرتو من الشغل وقلها: انا جاي عالبيت سخنيلي المي بسرعة وسكر التلفون .. سمعو صاحبه وقله: يا هيك الرجال يا بلا , شكلك فارد شخصيتك تمام بالبيت رد عليه : شو بدك اياني اجلي الجلي بمي باردة ؟؟
:::::::::::::::::::::::::::
بنت دلوعة كتتتتير كتييييير وابوها بيشتغل لحام ، سألوها الناس بابا شو بيشتغل؟ حكتلهم : بابي بيأشر غنم .
::::::::::::::::::::::::::
موضوع: نكت نكت نكت نكت نكت نكت.... يلا فوتو لا تخجلو بس ادفعو بالاول 
الجمعة يوليو 30, 2010 6:36 am
