صاحبي ولّا كرامتي؟!

مسالخير ع الكل
في موضوع حبيتكم تشاركوني الرأي فيه...
واحد استشارني بقصتو وانا بصراحه وعن جد محتاره ايش احكيلو...
واحد الو صاحب عزيز على قلبو
صديقو كتير..
بيشاركو بكل اشي في حياتو
بيقولو حتى وين رايح ووين جاي..
شو اكل ..
شو راح يعمل...
ممكن تقولوا كل اشي بيعملو بيشاركو فيه...
بيزعل لزعلو ..
بيفرح لفرحو..
بيتحمل كل اشي منو..وبيعتبرو جزء منو...
وبيوقف معو بكل المواقف..
وهداك تعرض لاكتر من موقف ولقى صاحبنا جمبو كان واقف اكتر واحد....
حتى لمن يصير بينهم اي خلاف ..بقلبو بيكون مسامحو وبيلاقيلو اعذار...
هلقيت ..اللي صار انو هداك زعل منو..
ومن غير ميوضح الاسباب
لغاه نهائيا من حياتو..
لا كلام ولا سلام...
حزفو من الاصحاب
وعمللو بلوك وديليت من كل حياتو...
حاول صاحبنا يكلمو ويفهم السبب والمشكله لانو بيقولي مش حاسس انو ارتكب هالجرم الفظيع اللي تضيع كل هالصداقه عشانو..
مش هاين عليه يتركو زي مهداك تركو..وكرامتو بنفس الوقت انهانت كتير!
انا طولت عليكم..
سامحوني..
بس انا فحيره كبيره
ومش عارفه ايش اقولو..
من جهه بفكر في صداقتهم..
ومن جهه بفكر في كرامتو برضو...
ايش يعمل برأيكم؟؟
اعطوني افكاركم لانو من خلاصتها بصراحه انا حرد عليه
وهوه..لانو بيحترمني حيعمل زي مبقوللو بالزبط...
عشان هيك..
بدي اعطيه رأي صائب..ما يندم عليه بالمستقبل...

بستنى ردودكم..

--------------------------------------------------------------------------------

انا الشي اللي بعرفه انو الصداقة القوية بجد

شو ماصار ما بتأثر فيها العوامل الخارجية وعوامل التعرية

اما يجي هيك من الباب للطاقة ويبعد وبدون اسباب تذكر

فهادا الشي مش معقول

واخينا عمل اللي عليه وزيااادة لحتى يفهم شو فيه

بس الطرف التاني معقدها لاسباب مجهولة

لهيك بعتقد انو عداه العيب وكرامته بتضل فوق كل شي

ولا عزاء للاصدقاااااء

وبالنهاية اللي سابه هوا اللي خسره

والا ما يجي يوم من الايام ويرجعله فيه وهوا ندمان علي عمله

منورة يا حبي

اول شي يسعد هالمساااااااا
احلا دكتوووووووورة بالعالم كلوووو كلووووو


من رايي انا انو ياللي بلاقيلو صديق بهالوقت هاد يمسك في بايد من حديد
بالزات بهالزمن مش كل يوم الواحد بلاقي في صديق منيح

بس بالاول لازم تسالي لهاد الشخص
هوا هلا زمان كانت صحبتهم انو هوا كمان كان هيك منيح معو
يعني ياللي قراتو انو هاد الشخص ياللي بتعرفي هوا كان يقدملو ويضحي ويزعل لزعل هداك ويفرح لفرحو
طيب كان في مقابل
يعني هداك كان يعاملو نفس المعاملة برضو ؟؟
ولا كان زي كانو واحد عندو مصلحة وبعد ما خلص منها باع التاني ؟؟

ازا كان لا .. وانو التنين كانو مناح مع بعض بنفس الدرجة
فمعناتو كانو صحاب عنجد

واللي لازم يعرفو هاد الشخص ويتاكد منو ازا كان حدا موصل حكي للتاني
لانو الحمد لله النفسيات المريضة فش اكتر منها
والناس ياللي بحبو يشبكو فش اكتر منهم بهالزمن للاسف

لانو هالشي احنا تعرضنالو
فجاة صرنا نسمع انو افلام هندية تتالف علساناتنا
وناس قاططعونا عشان هالشي هاد
وبابا مسكين يرتفع السكر عندو وينزل لانو مش عارف شو القصة
وطبعا تركناهم احنا كمان
بعدين احنا والناس اكتشفنا تاليف الحكي ياللي كان يصير علسانا
وهما لحالهم رجعو واعتزرو

وازا الشخص ياللي بتعرفي متاكد انو ما غلط بحق هداك اي اشي
فلازم يواجهو
ولازم يصير عتب

اما ازا وصلت الشغلة لانو هداك يقل بقيمتو وتنهان كرامة اللي بتعرفي
فيتركو ومصير الايام تبين للتاني معدن الشخص اللي بتعرفي
وهوا لحالو راح يندم


هاد ازا كانو فعلا صحاب !!!!


منورة احلا دكتورة
منورة الشخر كلو

الصداقة هي اغلى شي في الدنيا حتى لو زعلو منا لازم نسمعو لاخر حرف

انا رئي من رئي اخواني الي كتبوه عن الصديق وانا بزن انو كل الكرام وكل الاحترام مع داك الصديق وكرامته عالية لانه حاب يفهم ويعرف شو صار وكيف زعل ... يعني باختصار هوة صديق مخلص

احلى موضوع لى احلى ناس بجد كثير زوء والله

يسلمووو ع المرور