صرخه اقوى من الرعد
صرخ صرخه هزت جبل ...صرخة خيبة امل
صرخه فيها وجع وفيها آه ...صرخة جرح صعب ينساه
قلتله خيا : ليش تئن وتصرخ ... لسا الاقصى بهالبلاد
بغزه بجنين بنابلس ... في زينا كثير عباد
خيا ليش الدمع ... بس ما يكون دمع خوف
خيا هالوطن فداه عيونا ... خليه بعيونا يشوف
خيا ليش التهاون ليش السكوت
خيا احكي وعلي الصوت الي بسكت بنعاب
خيا شو بطيب الموت مدام حيوصلك تحت هالتراب
قام اتطلع فيي نظره غريبه
ذكرتني بالنكبه والنكسه والتغريبه ... قلي كلام مشحون بالقهر
قلي : خيا صرختي صرخة قلب تعب من كثر الغدر
صرخة طير تعب من سنين الاسر
خيا الاحتلال احتلال ... صعب يتغير ... والنجس نجس ... صعب يتطهر
خيا شو راح تحكي ... وشو راح تزيد
طول ماللي حولي هيك ... شو راح تفيد
خيا ... دموعي مش خوف ولا يأس
دموعي ع هالناس الطبعهم نجس
خايف من وساختهم يخرب هالوطن ... خايف من طيشهم يهرب الزمن
خايف الي باعوهم يبيعونا
خيا مش خايف من الموت ... خيا ولا بقبل بالسكوت
خيا لو الكلام خلص دمنا بحكي
خيا نظره ع هالوطن بتمسح دموع اللي ببكي
خيا بكفي انك معي ايدك عإيدي
خيا ان كانت صرختي ما الها حد ... هذا لأني ابن هالوطن ابنه بجد
صرختي انا اقوى من الرعد